2-րդ տեսակի դիաբետը վարակի՞չ է

2-րդ տեսակի շաքարային դիաբետ կարող են հրահրել աղիներում գտնվող վնասակար մանրէները:  Այսպիսի եզրահանգման են եկել Կոպենհագենի համալսարանի հետազոտողները:

Հետազոտողները բացահայտել են, որ 2-րդ տեսակի դիաբետով հիվանդների աղիներում նկատվել է պաթոգենների բարձր մակարդակ: Այս բացահայտումը կարող է հանգեցնել հիվանդության ախտորոշման մեթոդների առավել շուտ հայտնաբերման և, որպես հետևանք, ավելի վաղ բուժման: Այն դեպքում, երբ այս հիվանդությամբ տառապողների թիվն ամբողջ աշխարհում տարեցտարի կայուն աճ է գրանցում:

«Մենք ապացուցել ենք, որ 2-րդ տեսակի դիաբետով հիվանդների ստամոքս-աղիքային համակարգում առկա է պաթոգենների բարձր մակարդակ,-նշել է հետազոտության հեղինակ, պրոֆեսոր Յուն Վանը: -Այսկերպ, նման մարդկանց մոտ մանրէների բարենպաստ միջավայր է նկատվում, ինչն էլ բարձրացնում է դրանց դիմադրողականությունն տարբեր տեսակի դեղերի նկատմամբ»:

Գիտնականներն այս արդյունքը ստացել են 345 չինացիների հետ անցկացրած հետազոտություններից հետո, նրանցից 171-ն ունեցել է 2-րդ տեսակի շաքարային դիաբետ: Նրանց մոտ որոշվել է վիճակի կենսաբանական ճշգրիտ ինդիկատորները: Նմանատիպ հետազոտություններ միաժամանակ անցկացվել են նաև Դանիայում, որտեղ գիտնականները նույնպես բացահայտել են ստամոքս-աղիքային համակարգում մանրէների նշանակալի ապահավասարակշռություն:

Մոտ ժամանակներս նոր հետազոտությունները կորոշեն, թե այն մարդկանց օրգանիզմում, ովքեր, պայմանավորված դիաբետի զարգացման սպառնալիքով, գտնվում են ռիսկի խմբում, այդ մանրէների առկայությունը նորմալ է, թե ոչ: Դրա համար դիաբետիկներից վերցված մանրէների  մի մասը կներմուծեն լաբորատոր մկների օրգանիզմ, որպեսզի որոշեն, թե հիվանդությունը նրանց մոտ  սաստկացել է, թե` ոչ:

Մինչև վերջերս 2-րդ տեսակի շաքարային դիաբետի զարգացման գլխավոր պատճառը համարում էին ոչ ճիշտ կենսակերպը: Ամենից հաճախ հիվանդությունը հայտնաբերում  էին ճարպակալման հակված, ինչպես նաև ոգելից խմիչքները չարաշահող ու նստակյաց կենսակերպ վարող մարդկանց մոտ:

Հարցեր, պատասխաններ, մեկնաբանություններ